Күсемһеҙ милек баҙарындағы хәлдәр, яңылыҡ һәм проблемалар, уларҙы хәл итеү юлдары һәм башҡалар тураһында һөйләшәбеҙ бөгөн. Фатирлы булам, тип алдан аҡса түләп, алданып ҡалмау, милкеңде теркәмәй йөрөп, унан ҡолаҡ ҡаҡмау, ипотека каникулы һәм башҡа темаларҙы тикшерәбеҙ. Эксперттар: Күсемһеҙ милек буйынса юрист, блогер һәм "Берҙәм Рәсәй" партияһының Йәмәғәт палатаһы ағзаһы Альбина Ейәмбәтова, Росреестрҙың Башҡортостан буйынса идаралығы хеҙмәткәрҙәре Алһыу Күсәрбаева һәм Әлфинә Ҡарағужина.
