Өфөлә ике көн дауамында ислам темаһы тикшерелде. “Рәсәй – Ислам донъяһы” стратегик күҙаллау төркөмө үҙ ултырышын йыл һайын айырым бер дәүләттә уҙғара. Быйылғыһы, иҫәп буйынса юбилей булғаны - 50-сегә уҙғарылғаны беҙҙең респуликаға тура килде. Кавказ, Бахрейн, Төркиә, Бангладеш, башҡа дәүләттәр, йәғни Рәсәй төбәктәре, ғәрәп донъяһынан йыйылды белгестәр. Дин-ара татыулыҡ – “Рәсәй менән Ислам дәүләттәре ойошмаһының дуҫлыҡ тәжрибәһе” тип аталды быйылғы йыйын.
