2020 йылға “Асыҡ студия” бер ни тиклем яңылыҡтар менән аяҡ баҫа. Шуларҙың береһе – район башлыҡтары менән осрашыуҙар. “Чиновник сәғәте” тип тә әйтергә ярайҙыр. Теге йәки был районда, ауылда, ҡасаба йәки ҡалала ниндәй яңылыҡтар, ыңғай үҙгәрештәр, хәл итеүҙе талап иткән ҡырҡыу мәсьәләләр бар - шуларҙы уртаға һалып һөйләшеү майҙансығы булырға тейеш ул. Әңгәмә барышында урындағы тыңлаусыларыбыҙҙың үҙ башлыҡтарына һорауҙарын еткереү форсаты ла бар. Проектыбыҙҙағы тәүге ҡунаҡ – Асҡын районы хакимиәте башлығы Ришат Дихин.
