Фәнһеҙ донъя йәнһеҙ
Рәсүл Сәғитов:
— Фән тураһында һөйләшеү өсөн асыҡ бөгөн студия, сөнки, беренсенән, фән көнө алдындабыҙ — илдә ул иртәгә, 8 февралдә, билдәләнә, икенсенән, әңгәмәне кисә Мәскәүҙә, президент рәйеслегендә үткән ҙур сара — Дәүләт Советы Президиумы һәм фән, мәғариф буйынса Советтың берлектәге ултырышының ҡыҙыу эҙенән ҡорабыҙ. Беҙҙә ҡунаҡта — Башҡортостан Фәндәр академияһы президенты, унан алдағы хеҙмәт тормошо мәғарифҡа тығыҙ бәйле ғалим, педагогика фәндәре докторы, профессор, Рәсәй Мәғариф академияһы мөхбир-ағзаһы, әҙип Әлфис Суфиян улы Ғаязов.
