Башҡортостанда 2014 йылда мөһим социаль программа ҡабул ителде. Социаль контракт буйынса адреслы ярҙам, тип атала ул. Йәғни, ишле, тулы булмаған, матди хәле ауыр ғаиләләргә башланғыс капитал бирелә. Был аҡсаға кемдер мал алып аҫрарға, умарта алырға, кемдер эш асырға, бәғзеләре яңы һөнәргә уҡып сығырға мөмкин. "Балыҡ бирмәйбеҙ, ә балыҡ тотоу өсөн ҡармаҡ бирәбеҙ" . Программаның асылы -ошо. Әммә ул әлегә уңышлы ғәмәлгә ашырыла, тип әйтеп булмай. Белеүселәр һирәкме, халыҡты йәлеп итеү саралары күрелмәйме, башҡа сәбәптәр бармы? “Асыҡ студия” эксперттары – Республиканың халыҡҡа социаль ярҙам күрһәтеү үҙәгенең Киров районы буйынса бүлеге етәксеһе Венера Ҡотлогилдина һәм "Рәсәй терәге" ойошмаһы рәйесе Ләйсән Николаева.
