Республиканың йәнә бер гүзәл төбәгендә - Нуриман районы Яңы күл ауылында булып ҡайттыҡ. Тәү ҡарауҙан заманса, төҙөк йорт-ҡуралар, урамдарҙағы тәртип иғтибарҙы йәлеп итте. Ә инде ауыл халҡы менән аралашҡанда ауылдың ысын йөҙө тағы ла нығыраҡ асылды. Ауылдың киләсәге унда мәктәп булыу-булмауға туранан-тура бәйле. Был йәһәттән, Яңы күл халҡына борсолаһы түгел. Ауылда 2005 йылда ғына яңынан ике ҡатлы, ҙур мәктәп һалынған. Йыл да беренсе синыфка 15-20 уҡыусы килә. Яңы күл ауыл биләмәһендә 11 милләт вәкилдәре дуҫ-татыу ғүмер кисерә. Уларҙың барыһын да тыуған еренә ҡарата һөйөү, уны матурайтыу һәм һаҡлау теләге берләштерә.
