Ҙур ҡала- ҙур мөмкинлектәр. Ҙур ҡала янындағы ауылдарҙа ла бар мөмкинлектәр. Әбйәлил районы, Асҡар ауылы. Силәбе өлкәһе менән сиктәш ятыуы был төбәккә ныҡ ҡулай. Асҡар һәм ғөмүмән Әбйәлил халҡының күпмелер өлөшө Магнитогорск ҡалаһына йөрөп эшләй. Эскелек бында һирәк күренеш. Алама ғәҙәт менән мауыҡҡандар менән айырым эш алып барыла. Ауылда ағинәйҙәр ҡоро, ҡатын- ҡыҙҙар советы эшләп килә. Асҡарға 1930 йылдың 20 авгусында нигеҙ һалына. Үҫешеү барышында ауыл тормошон яҡшыртыу, мәғәнәлерәк итеү, тәртиптә тотоу маҡсатында тотороҡло система барлыҡҡа килгән, йәғни, иң өлгөлө йорт, урам, ауыл кеүек ярыштар, ҡаҙ өмәһе, ҡарға бутҡаһы, килендәр һәм ҡәйнәләр, һабантуй, олатай- өләсәйҙәр байрамдары ойошторолоп тора.
