Ҡаран ауылы ҡатын-ҡыҙҙары беҙе ауыл мәҙәниәт йортонда Бүздәк бренды – бәлеш менән ҡаршы алды. Ә сәфәребеҙҙең маҡсаты саҡ ҡына башҡасараҡ- бәлеш тәмләргә түгел, боронғо йоланы тергеҙеү – Ҡаран баҙарын яңынан йәндәндереүгә шаһит булыу ине. Ҡаранда ҡасандыр яҡшы ғына баҙар эшләп килгән. Хәҙер тергеҙергә ниәт иткәндәр.
Байрамдар күп беҙҙең илдә. Дәүләт байрамдары ла, ҡыҙыл даталар ҙа, дини байрамдар ҙа. Шулай ҙа һәр ауылдың үҙенә генә хас йолалары, байрамдары була. Ҡаран баҙары кеүек. Был тәбиғи. Сөнки быуаттар буйынса быуындан-быуынға күсеп килә ул. Атайсалдың биҙәге булып.
