Архангелды беҙ республиканың дала киңлектәре менән таулы төбәктәр сиктәше тип беләбеҙ. Тау, тимәк, урмандар ҙа тейеш. Бар ул урман Архангелдә. Тик шыршы, ҡарағай, ҡарағас түгел. Уҫаҡ, йүкә, ҡайын урмандары. Улары ла сәнәғәт өсөн яраҡһыҙ. Ҡартайған, серек, ботаҡлы. Шулай ҙа ошо тармаҡты кәсеп итеп алыусылар бар. Әммә һуңғы ваҡытта умартасылыҡҡа, йылҡы, һыйыр, һарыҡ үрсетеүгә өҫтөнлөк бирәләр. Атайсалын ташлап китмәгәндәр һәр төрлө йүнен күрергә тырыша.
