2019 йыл Рәсәйҙә Театр йылы тип иғлан ителгәс, эштәре сәхнәгә бәйле һәр кем алдында киң офоҡтар, затлы сәхнә кейемдәре, меңәрләгән тамашасы тулы залдарҙы күргәндәй булғандыр. Һәм был һис тә оят, йәки яҙыҡ түгел. Эшен яратҡан һәр кем - театр кешеһеме, ижадсымы, техник-инженермы – үҙенең алдына һәр ваҡыт максималь бурыс ҡуя һәм шуны үтәргә тырыша. Бөгөн һүҙебеҙ сәнғәт тирәһендә барғас, шул иҫәптән ауыл клубтары ла, академик татрҙар ҙа, шундай маҡсат ҡуя һәм шуға өлгәшергә сәмләнә, тип айырым билдәләйек. Улар иҫәбендә Архангел районындағы "Өмөт" театры ла бар. Абҙан ауылында байтаҡ йылдар эшләп килә ул.
