Байтаҡ йылдар элек юл фажиғәһенә осрап, аяҡһыҙ ҡалған, коляскаға ултырырға мәжбүр булған Әхәт Нурушев яҙмышына зарланып ултырмай. Фекерҙәштәр,табып, “Кудесник-Ах” тигән ижади йәмғиәт ойоштороуға өлгәшә. Ул үҙен һөнәрмән тимәй, күңеле ҡушыуы буйынса ғына эшләй. Махсус белеме лә юҡ. Башта тауыҡ йомортҡаларын ватмай ғына бушатып, шуның ҡабығын буяп, сувенирҙар эшләй башлай. 90-сы йылдар аҙағынан. Хәҙер иһә витраж техникаһы ярҙамында һүрәттәр яҙа. Ижади төркөмөндә милли кейемдәрҙе тергеҙеүсе лә, беләҙек-биҙәүестәр эшләүсе лә, картиналар яҙыусы ла бар. "Кудесник"тар әлегә үҙ эштәре менән Ҡырмыҫҡалы халҡын таныштыра. Киләсәктә ҙурыраҡ күргәҙмәләргә сығырға дәртләнә. Ярҙам булһа, әлбиттә.
