Йылдар үткән һайын уңалмай торған яра, ваҡыт оноттормаған хәтер, тарих үҙгәртә алмаған төшөнсәләр була. Осо-кырыйы күренмәгән 1418 көн - халҡыбыҙ хәтерендә мәңгелеккә ҡалған тетрәндергес көндәр.
Ул йылдарҙың ҡайтауазы әле һаман шаңдау булып яңғырай. Яу яланында ятып ҡалған һалдаттарҙың исемдре асыҡлана, һөйәктәре тыуған яҡтарына ҡайтарылып, ерләнә. Йылдар уҙыу менән һуғыш балаларының яралары һыҙлауҙан туҡтамай, кисерештәре ошо көндәрҙә ҡайтанан яңыра. Тарихыбыҙҙың тере шаһиттары - тыл һәм хеҙмәт ветераны Маһинур Байғусҡарова менән һуғыш ветераны Әбүзәр Ишморатовтарҙың һоҡландырғыс тормош юлы хаҡында бәйән ителә тапшырыуҙа.
