Кушнаренко. Өфөгә терәлеп ятҡан районға сәфәрем барышында ихлас, егәрле кешеләр, тыуған төбәген яратҡан, уны матурлау, халыҡтың йәшәйешен яҡшыртыу өсөн күп көс һалған шәхестәр менән осрашыу насип булды. Мәсеттәр тергеҙелә, парктар яңыртыла, Боҙ Һарайҙары төҙөү планлаштырыла. Былар- яңы Кушнаренко тарихындағы мәлдәрҙең бәләкәй генә бер өлөшө. "Халыҡ тағы ла яҡшыраҡ булыуҙы талап итә икән - тимәк дөрөҫ талап. Етәкселек шуға өлгәшергә ынтылырға тейеш. Әлбиттә, халыҡ ярҙамы менән", - тине район советы секретары Айвар Таңғатаров та. "Атайсал" һеҙҙе Кушнаренко районы көнитмеше, Иҫке Ҡормаш ауылы тарихы, изге шишмәләр менән танышырға саҡыра. Рәхим ит, тыңлаусым.
