Кеше яҡты донъяға юҡтан килеп тыумай. Йәғни, кемдер уны яралта. Был- тәбиғәт ҡануны. Сәскә, үлән – орлоҡтан шытып сыҡҡан кеүек, һәр тереклек, шул иҫәптән әҙәм балаһы алда торған быуын орлоҡтарынан хасил. Шулай булғас, был донъяла бер кемдең дә яңғыҙ булмауы аңлашыла. Тик башҡаһы аңлашылмай – улай булғас ни сәбәптән оло йәштәгеләр ҡарауһыҙ ҡалып, социаль приютҡа эләгә? Тәрбиә, яҙмыш, ҡаты бәғерлек, йәшлек хатаһы, башҡаһы? 2 меңдән ашыу оло кеше бөгөн социаль приюттарҙа көн күрә.
