Ауылдарҙы ни борсой? Ҡырмыҫҡалы районына сәфәр барышында Ҡамышлы ауылы биләмәһенә ҡараған ауылдар менән таныштыҡ. Үрге һәм Түбәнге Төкөн, Малай, Ҡамышлы, Александровка, Новопетровка һәм Каракүл ауылдары улар. 7 ауылға 3 мәктәп, 4 клуб эшләй, фельдшер-акушер пункттары ла бар, тик икеһендә фельдшерҙары юҡ. Меңәрләгән ауылға хас проблемалар -эш юҡлығы, йәштәрҙең ситкә китеүе - ҡамышлылар өсөн дә хас. Урындағы власть иһә халыҡтың тормош шарттарын яҡшыртыу өсөн ҡулынан килгәнде эшләргә тырыша. Төрлө программаларҙа ҡатнашыу, фермерҙар менән эш, халыҡты өмәләргә ойоштороп сығарыу - ошолар тураһында әңгәмәбеҙ.
