Их, ҡысҡырып бер иларға ине
Әсәйемдең ятып ҡулына.
Ул йөрәге менән аңлар ине –
Ниндәй ҡайғы төшкән улына.
Их, ҡысҡырып бер иларға ине... Тик был күҙ йәштәрен әсәйем дә, атайым да күрмәй шул. Икеһе лә ваҡытһыҙ донъя ҡуйҙы... Атайым нескә күңелле кеше булды. Хискә бирелеп киткән саҡтарында күҙенә йәш эркелә торғайны. Сараһыҙлыҡтан, меҫкенлектән түгел ине был. Күңелендә йыйылған хәсрәтте һығып сығарғандыр ул. Ысын шағирҙар ғына ирҙәрсә илай беләлер?..
Тапшырыуҙы шағирҙың улы Таһир Йәнбәков алып бара.
