1934 йылда Ырымбур өлкәһе ойошторолғас, бығаса Башҡорт АССР-на ингән ҡайһы бер көньяҡ райондар башҡа административ сик эсендә ҡала. Был шарттарҙа Ырымбур өлкәһендә йәшәгән милләттәштәребеҙгә мәҙәниәтте, телде һаҡлап ҡалыу күпкә ҡатмарлы. Шуға ҡарамаҫтан, бөгөнгәсә үҙ асылына тоғро, тыуған ил, туған тел мәсьәләләренә етди ҡараған милләттәштәребеҙ башҡорт мәҙәниәте байрамын үткәрҙе.
