Пермь крайы Барҙа районының Танып ауылында танып ҡәбиләһе башҡорттары көн итә. Үҙ ваҡытында был ауылда өс мәсет, бер мәҙрәсә эшләгән, Танып мәҙрәсәһе ошо төбәктә дан алған дин йорто булған. Күренекле мәғрифәтсе Ғәле Соҡорой Танып мәҙрәсәһендә ете йыл белем алған. Ҡайһы бер тарихсыларҙың фекере буйынса Салауат Юлаев та ошо мәҙрәсәлә уҡыған тигән фараздар бар.
