Йырҙарҙа йырланғанса: ҡарҙар ирей, һыу таша. Башҡортостанда яҙғы ташҡын осоро башланды. Халыҡ һәм тейешле хеҙмәттәр оло һыуҙы имен үткәреп ебәреү өсөн саралар күрә. Республика Башлығы Рөстәм Хәмитов та тура эфирҙа һөйләшеү барышында халыҡты яҙғы ташҡынға әҙер булырға саҡырҙы. Ошо һәм башҡасараҡ ваҡиғалар иғтибар үҙәгендә булды уҙып барған аҙнала. Беҙҙең ижади төркөм шуларҙың ҡайһы берҙәренә айырым туҡталып баһа бирергә тырышты. Шулай итеп ...
Республика Башлығы менән һөйләшеү. Рөстәм Хәмитов тура эфирҙа халыҡ менән аралашты. Кешеләрҙе бизнес менән шөғөлләнеүҙән башлап спортты үҫтереүгә тиклем темалар ҡыҙыҡһындыра.
Исеме үҙгәреүҙән есеме үҙгәрерме? Фәндәр академияһына яңы атама уйлап табылды. Тармаҡтағы үҙгәрештәр ғилем донъяһында ыңғай сағылыш табырмы?
Партнер бала табыу: ыңғай һәм кире яҡтары. Бергә бала табыу ғаиләне нығытамы, әллә тарҡатамы?
Беренселәр. Алты тиҫтә йыл элек беҙҙекеләр йыһан даръяларын иңләй башланы. Советтар Союзында донъялағы беренсе яһалма юлдаш космосҡа сығарыла, тәүге кеше йыһанға оса.
Беҙҙең заман батырҙары. Ҡыйыу йөрәкле йәш геройҙарға наградалар тапшырылды.
