Был аҙна менән бергә яҙҙың икенсе айы- апрелде лә йомғаҡлайбыҙ. Алда - сыуаҡ май, йылы йәй яҡынлаша. Ошоға өҫтәп, байрамдар осоро башланыуын да иҫәптән сығармайыҡ. Яҙ һәм хеҙмәт байрамын Еңеү көнө алыштырасаҡ. Ә был аҙнаны йомғаҡлағанда, шул мәлдәрҙе иғтибарға алырға кәрәктер:
• Кемгә – байрам, кемгә- уй. Профсоюздар 1 Май алдынан хеҙмәткәрҙәрҙең матди хәлен яҡшыртыу мәсьәләһен күтәреп сыҡты.
• Кадрҙар барыһын да хәл итә. Ул Совет лозунгыһы түгел - һәр йәмғиәтә заман талабы. Өфөлә кадрҙар форумы үтте, белгестәр әҙерләү стратегияһы тикшерелде.
• Һикереп төштөм баҡсаға, баҫтым баҡыр аҡсаға. Баҡса тулы аҡсамы, әллә проблемалары күберәкме? Баҡсасылар аҙналығында көнүҙәк мәсьәләләр күтәрелде.
• Полиграф Полиграфычтар заманы үтте, БОЧ-тар ҙа модала түгел. Дума балаларҙы туҙға яҙмаған исемдәр менән атауҙы тыйҙы. Башҡорт исемдәре ниндәй булырға тейеш?
• Серәкәйҙәргә һуғыш иғлан иткәндә талпандар иғтибарҙан ситтә ҡалмаймы? Йәки сысҡандар? Биҙгәккә ҡаршы бушлай вакцина кемгә тейеш?
• Тормош- театр. Ә Яҙғы театр – милли драматургияның киләсәгенә өмөт. Өфөлә үткән “Театр яҙы” фестиваль-конкурсы йомғаҡланды.
"Даирә"лә ошо һәм башҡа темалар .
