Уның ҡыҫҡаса йөкмәткеһе былай. Ете ырыу берлегендә иң ҙур ырыу башлығы Ҡарабуғаның йәйләүенә Аҡтүбәнән нуғай ханы Алтаҡар үҙе килеп төшөп, ике мәкерле ниәтен бойомға ашырырға теләй. Береһе – Ҡарабуғаның берҙән-бер ҡыҙын сираттағы бисәлеккә алып китеү. Икенсеһе – Мең башлығы Баязитты ҡулға төшөрөп, уның ярҙамында эреле-ваҡлы башҡа ырыуҙарҙы «йотоу». Алтаҡарҙан да, Баязиттан да шөрләгән Ҡарабуға ике ут уртаһында ҡала.
