1951 йылда Һәҙиә Дәүләтшина Бөрө ҡалаһына күсә. Бөйөк хеҙмәте – "Ырғыҙ" романын тамамлай. Ләкин Башҡортостан яҙыусылар союзының, "Әҙәби Башҡортостан" журналының ишектәрен күпме генә шаҡыһа ла, иң ҡәҙерле әҫәре үҙе иҫән саҡта баҫылмай. Роман 1957 йылда ғына донъя күрә, тиҙ арала башҡа телдәргә тәржемә ителә. 1967 йылда үлгәндән һуң Һәҙиә Дәүләтшинаға ошо әҫәре өсөн Салауат Юлаев исемендәге дәүләт премияһы бирелә.
