Яҙыусы,С.Юлаев исемендәге дәүләт премияһы лауреаты Яныбай Хамматов әҙәбиәткә көтөлмәгәнсә, 40 йәшендә ҙур күләмле роман менән, килеп инә. Уның ижад юлы – ике-өс кенә тиҫтә йыл. Әммә шул ваҡыт эсендә Яныбай Хамматов төрлө сағылышлы тарихи ваҡиғаларға арналған тиҫтәләгән роман һәм повестар ижад итте.
Бөгөн әҙиптең боронғо дәүерҙәргә – беҙҙең эраға тиклем 332 йылға арналған «Арҡайым» әҫәренән өҙөк тәҡдим итәбеҙ. Рәсәйҙең атҡаҙанған, Башҡортостандың халыҡ артисы Хәмит Яруллин уҡый. Әҫәр радио фонды өсөн 1995 йылда яҙылған.
