Мәсетле районында тыуған яҙыусы Ринат Камалдың үткән юлы ябай: мәктәп, армия, университет. Прозаға ул 1990 йылдарҙа тотона. Бихисап хикәйә, новелла, повестар, шулай уҡ “Таня-Таңһылыу”, “Оҙонтал” романдарын китап уҡыусылар йылы ҡабул итте. 2010 йылда әҙип «Әлфирә»романы өсөн С.Юлаев исемендәге дәүләт премияһы менән бүләкләнде. Күптән түгел уның «Мединститут эше» тип аталған ҡырҡыу сюжетлы тағы бер романы донъя күрҙе.
