Яҙыусы, журналист һәм тәржемәсе, Башҡортостандың атҡаҙанған мәҙәниәт хеҙмәткәре Факил Мырҙаҡаев Миәкә районының Ҡаран-Ҡуңҡаҫ ауылында тыуып үҫкән. Уның хикәйә-повестарҙан торған «Ҡамғаҡ», «Ҡайын һуты», «Яҙмыш фалы – йәшлектә» һ.б китаптары уҡыусы күңеленә хуш килде. Әҫәрҙәре татар, урыҫ телдәренә тәржемә ителде. Әҙип үҙе лә Сыңғыҙ Айтматов, Василь Быков, Василий Шукшин әҫәрҙәрен башҡортсаға ауҙарҙы.
Хәҙер иғтибарығыҙға Факил Мырҙаҡаевтың «Аҙашҡан болан балаһы» повесын тәҡдим итәбеҙ. Башҡортостандың халыҡ артисы Илдар Ғүмәров уҡый. 2000 йылғы яҙма яңғырай.
