16 ғинуар яҙыусы Ғәли Ибраһимовтың тыуыуына 100 йыл тулды. Ул Бөйөк Ватан һуғышының тәүге көндәренән үк яуға китеп, ҡаты яраланып ҡайта. Күрһәткән батырлыҡтары өсөн Ҡыҙыл йондоҙ ордены һәм миҙалдар менән бүләкләнә. Һуғыштан ҡайтҡас, Мәскәүҙә юғары әҙәбиәт курстарында уҡый. Уның «Бер полк кешеләре», «Умырзая»,”Ай битен йыуғанда”, «Кинйә» кеүек киң күләмле әҫәрҙәре халыҡ күңеленә хуш килде.
Хәҙер иғтибарығыҙға Ғәли Ибраһимовтың «Кинйә» романынан өҙөктөң дауамын тәҡдим итәбеҙ. Рәсәйҙең атҡаҙанған артисы Илшат Йомағолов уҡый. 1976 йылғы яҙма яңғырай.
