Ә. Муллағолова: Башҡортостандың һәм Рәсәйҙең халыҡ артисы, C. Юлаев ис. дәүләт премияһы лауреаты Заһир Вәлитов кисә 79-сы йәшендә донъянан китте.
Ул 55 йыл ғүмерен театр сәнғәтенә бағышлай. Талантлы актер хеҙмәт юлын 1964 йылда Сибай дәүләт академия драма театрында башлай. 1970 йылдан алып ғүмеренең һуңғы көнөнә тиклем М.Ғафури ис. Башҡорт дәүләт академия драма театрында эшләй. Мостай Кәримдең «Ай тотолған төндә», «Ташлама утты, Прометей!», Азат Абдуллиндың «Ун өсөнсө председатель» һ.б спектаклдәрҙә Дәрүиш, Гефест, Сәғәҙиев кеүек ҡабатланмаҫ образдар ижад итә.
