Телсе-ғалим, яҙыусы Зиннур Ураҡсиндың тыуыуына - 84 йыл. Ул - ғилми эшмәкәрлеге, художестволы ижады менән рухиәтебеҙҙә яҡты эҙ ҡалдырған абруйлы шәхес. Зиннур Ғәзиз улы 300-ҙән артыҡ ғилми хеҙмәт яҙҙы, төрлө һүҙлектәр төҙөнө. Шулай уҡ башҡорт халҡының кантондар системаһы ваҡытындағы тормошон сағылдырған «Ҡарат», «Карауанһарай» тигән романдар, кеше күңеленә йылылыҡ өләшер хикәйә-повестар ижад итте.
Бөгөн һеҙҙең иғтибарға Зиннур Ураҡсиндың «Ситса күлдәк» тип аталған юмористик хикәйәһен тәҡдим итәбеҙ. 2009 йылғы яҙманы Башҡортостандың халыҡ артисы Илдар Ғүмәров уҡый.
