Филология фәндәре докторы, Башҡортостандың һәм Рәсәйҙең атҡаҙанған фән эшмәкәре, Бөйөк Ватан һуғышын разведчик булып үткән ил уҙаманы Миҙхәт Ғәйнуллиндың тыуыуына 94 йыл тула. Ул – башҡорт әҙәбиәте ғилемен үҫтереүгә ҙур өлөш индергән ғалим. Үҙ дәүерендә «Ысынбарлыҡ. Конфликт. Характер», «Башҡорт драматургияһының үҫеү юлдары» тип аталған монографиялары, академик Ғайса Хөсәйенов менән берлектә яҙған «Башҡорт совет яҙыусылары» һәм башҡа хеҙмәттәре киң ҡатлам уҡыусыларҙың ҡулынан төшмәне.
Хәҙер һеҙҙең иғтибарығыҙға Миҙхәт Ғәйнуллиндың «Разведчик яҙмалары»нан өҙөк тәҡдим итәбеҙ. Автор уҡыуында 1995 йылғы яҙма яңғырай.
