«Кешеләрҙе ғүмер оҙонлоғо ғына, оҙаҡ йәшәтмәне, йәшәтмәҫ. Ҡыҫҡа ғүмерҙе лә онотолмаҫлыҡ, файҙалы итә бел һин, иптәш». Баязит Бикбайҙың бер шиғырындағыса, ғүмерен файҙалы итә белгән, илһамланып ижад иткән, йәшәү йәмен тылсымлы театр донъяһында тапҡан, йәшендәрҙәй йәшнәп йәшәгән Башҡортостандың халыҡ артисы Филарит Бакиров та тап шундайҙар рәтенән. Гүзәл еребеҙҙә әлегеләй йәмле май тантана иткән мәлдә, бынан бер йыл элек ни бары 64–се йәшендә генә арабыҙҙан китеп барған күренекле шәхесте иҫкә алып, «Йәшәү йәме» тапшырыуының сираттағы сығарылышын уға бағышларға булдыҡ.
