Заман арбаһы алға тәгәрәгән һайын кешелек үҙенең боронғоһона йышыраҡ ҡайырылып ҡарарға, ҡулдан килерҙәй шөғөлдәрҙе тергеҙергә тырыша. Беҙҙең көндәрҙә кейеҙ баҫыу, ҡорама ҡороу, тегеү, сигеү, бәйләү һәм башҡа шөғөлдәр яңы һулыш кисерә. Белорет районының Йөйәк ауылында йәшәүсе Гөлсирә Салауатова ҡул эштәренең барыһына ла маһир тип әйтһәк яңылышмабыҙҙыр, моғайын. Ул өләсәһенән күргәндәрҙе тергеҙә. Яңынан – яңы ҡул эштәрен дә бик теләп өйрәнә.
