Фирүзә Абдуллина исеме шиғриәт һөйөүселәргә күптән таныш. Ауыл уҡытыусыһы хеҙмәтенә мөкиббән киткән һәм шиғри ижад артылыштарына ынтылған зыялы. Ике йүнәлеш бер-береһен күтәрә, үҫтерә. Ул шиғырҙарын интернетҡа ҡуя башлау менән күптәрҙең күңел серҙәшенә әйләнә. Фирүзә апайҙың шиғриәте матурлыҡ донъяһына яҡыныраҡ килергә ярҙам итә, кешеләрҙе рухландыра.Тормошто яратырға өндәгән шиғриәте менән Фирүзә апай Абдуллина йәмләр “Йәшәү йәме” сығарылышын. Әңгәмәбеҙ ижад, тормош, йәшәү хаҡында булыр.
