Борис ағай Хәйретдинов тыуған төйәгенә булған һөйөүен йырҙарына, әҫәрҙәренә һалған. Мәҫәлән, бер романы уның «Ете лә генә ырыу, береһе – Бөрйән» тип атала. Етмеште ҡыуған Борис Дилмөхәмәт улы әле Баймаҡта «Атайсал» аҡһаҡалдар ҡоро рәйесе вазифаһын башҡара. Ә минең күҙ алдында уның армиянан ҡайтып, беҙҙе, ауыл балаларын, йыр дәресенән уҡытҡан саҡтары һаҡлана. Йылҡылдап торған йәшел баян менән килеп инер ине лә етеҙ бармаҡтары менән уның телдәренән йүгереп үтер ине.
