Ә. Муллағолова:
- Ер йөҙөндә рух илселәре була. Һүҙ менән эш иткән яҙыусылар, актерҙар, уҡытыусылар – барыһы ла беҙгә яҡты рух өләшә, иман нуры тарата. Шулар араһында ҡулға ҡәләм тота белә башлағандан алып беҙҙең күңелдәргә изгелек орлоҡтары сәсеүселәр – улар уҡытыусылар. Гөлсөм Мөбәрәк ҡыҙы, Уҡытыусы ҡыҙыҡһыныусан булырға, күп белергә, ғүмер буйы эҙләнергә, рухи яҡтан үҫергә тейеш, ти. Шуға ла ул ер шарына Ирәмәл түбәһенән дә, Балтик ярынан да, Рейхстагтан да, Эйфель башняһынан да ҡараш ташлаған һәм тыуған ергә бер нәмә лә етмәй, тигән һығымтаға килгән...
