Әлеге заманда шаулап-гөрләп үткән тыуған көндәрҙе, юбилей кисәләрен йыш күҙәтәбеҙ. Тимәк, тырыш халыҡтың йәшәү шарттары йылдан-йыл яҡшыра, күңел байрам көҫәй. Юбилейҙар – ул туғандарҙың, дуҫтарҙың һағынышып осрашыуы ғына түгел, ә үткәндәргә йомғаҡ яһау ҙа, ти 55 йыл бергә йәшәүсе Люциә һәм Динислам Йәнбулатовтар. Икәүһенә бергә – туҡһан йыл педстаж. Люциә апай ғүмер буйына насар күргән, насар ишеткән балаларҙы уҡытҡан. Белеүебеҙсә, мөмкинлеге сикләнгәндәр менән генә түгел, һап-һау балалар менән эшләү ҙә еңел түгел. Ә был ханым 42 йыл махсус мәктәптәге балаларҙың күҙе-ҡолағы булған!
Ире, Динислам ағай, 48 йыл юғары уҡыу йорттарында студенттарҙы математикаға өйрәткән. Улы ла, ейәне лә – математиктар. Күптән түгел Динислам ағай 80-де тултырҙы.
