Кешелек донъяһы һәм йыһан киңлектәре... Бармы улар араһында бәйләнеш?!.. Космонавт булыу, Йыһан киңлектәрен иңләү теләге бала саҡтан, бигерәк тә Совет осоронда, һәр малай-шалай күңелендә йәшәгәндер. Салауат районы Урмансы ауылынан Сафуан Сәйетғәлинды ла шулар рәтенә индерергә була. Хәрби хеҙмәткә алынған егет, өс ай Тулала әҙерлек курсы үтеп, хеҙмәтен йыһанға тәү кеше осорған Байконурҙа дауам итә.
