Ер кешеһе, ауыл эшсәне... Йылдың һәр миҙгелендә лә ал-ял белмәй тир түгә. Тәбиғәт көйһөҙлөктәре, заман ҡаршылыҡтары алдында баҙап ҡалмай, ер эшкәртә, иген сәсә, мал үрсетә. Тыуған ергә булған һөйөү хисе барлыҡ кәртәләрҙе йырып сығырға уға көс-ҡеүәт бирә.
Тапшырыуыбыҙ геройы, Мәләүез районы ,,Ашҡаҙар,, ауыл хужалығы кооперативының элекке механизаторы, бөгөнгө көндә Нордовка ауыл хакимиәте башлығы Илдар Ишкәев. Уның исеме яҡташтары, республика ауыл хужалығы эшсәндәре араһында данлыҡлы механизатор булараҡ билдәле. Оҙаҡ йылдар Илдар Хәйервара улы ошо йүнәлеш буйынса уңышлы эшләп, юғары күрһәткестәргә өлгәшә.
