Һәр төбәктең матур, күркәм ағинәй-аҡһаҡалдары, эше, тормошо менән һоҡландырып йәшәүсе кешеләре була. Мишкә районы Мишкә ауылында ғүмер итеүсе тыл һәм хеҙмәт ветерандары Нәзирә Шәкүр ҡыҙы менән Фәнил Фәтхинур улы Фәтхинуровтар шундайҙар рәтенән. Улар икеһе лә һуғыш осоро балалары.
Иңдәренә тормош һынауҙарының ниндәйе генә төшмәһен, рух көсөн юғалтмай, һәр таңды рәхмәтле булып ҡаршылап, балалары, туғандары менән күңел йылыһын уртаҡлашып, йәшәүҙең йәмен уртаҡ һөйөнөстәрҙә күрә тыл һәм хеҙмәт ветерандары Нәзирә Шәкүр ҡыҙы менән Фәнил Фәтхинур улы Фәтхинуровтар.
