Ҡайҙа ғына йәшәһәң дә, бала саҡ эҙе һаҡланған ер онотолмай, кесе атайсалға булған һөйөү хисе һине ғүмере буйы оҙата килә. Татлы йоҡоларыңла төштәреңә инеп, һиҫкәндергән, бер күреүгә зан-интизар иткән бала саҡ иле – ниндәй ҡөҙрәткә эйә һуң?! Әҡлимә Солтанова хозур тәбиғәтле Әбйәлил, Бөрйән райондары киҫешкән, йырҙарҙа данланған Һаҡмар йылғаһы буйында урынлашҡан Баймаҡ районы Баймырҙа ауылынан.
Сибай педагогия училищеһын тамамлай, тормош һин уйлағансы ғына бармай, яҙмыш уны йыраҡ Испанияға алып китә.
