Краснокама районының үҙәге – Николо-Березовкала ҙур дауахана бар. Ауырыған-сырхаған кешеләр унан йыл әйләнәһенә өҙөлмәй. Һәр төбәктәге кеүек бында ла табиптарҙың уң ҡанаты – шәфҡәт туташтары. Бөгөн һүҙебеҙ шуларҙың береһе – Йәмилә Хәнифова тураһында. Ул – Башҡортостандың һәм Рәсәйҙең Һаулыҡ һаҡлау Министрлығы алдынғыһы, хеҙмәт ветераны. Йәмилә Мәхейән ҡыҙы Йылайыр районы Шанский ауылында тыуып үҫкән, яҙмыш уны республикабыҙҙың төнъяҡ-көнбайышына алып килгән. Утыҙ биш йыл Йәмилә Хәнифова Краснокама халҡының һаулығы һағында.
