"Һәр кемдең ғүмерендә, күк ҡабағы асылғандай, ғәжәйеп мәлдәре була", тип яҙғайны бер китабында шағирә Тамара Искәндәриә. Тапшырыуыбыҙ геройы Башҡортостандың һәм Рәсәйҙең атҡаҙанған физик культура хеҙмәткәре, спорт мастеры, юғары категориялы тренер Жәлил Йосопов йәшәү йәмен һайлаған юлының хаҡлығы, иңеңә төшкән йөгөнөң ауыр булһа ла, емеше татлы булыуы менән дәлиләй.
