“Милли-мәҙәни усаҡтар йәһәтенән бай, сағыу Краснокама яҡтарына килеп ғаиләбеҙ менән уңдыҡ. Мул һыулы Ағиҙел, Кама буйҙарындағы тәбиғәткә ҡарап туймаҫлыҡ. Төрлө халыҡтарҙың, бигерәк тә татар, мари, удмурттарҙың матур рухи һыҙаттары менән байыйбыҙ. Үҙебеҙҙекен уларға танытабыҙ. Шулай милли-мәҙәни, рухи тормош менән йәшәгәнгә сирек быуат үткән. Киләсәктә беҙҙе алмаштырыр йәштәр республикабыҙҙың төнъяҡ – көнбайыш төбәгендә күберәк булһын ине, ”– ти «Ҡурай» гәзитенең баш мөхәррире, тынғыһыҙ журналист Фирүзә Ғәлимйән ҡыҙы.
