Зәкәриә Әлимбәтов биш айлыҡ ҡына сағында әсәйһеҙ ҡала, дүрт йәшендә атаһы Бөйөк Ватан һуғышында батырҙарса һәләк була. Тормош дауылында япа-яңғыҙ ҡалған егет яман юлға баҫмай. Ул ябай уҡытыусынан алып Малаяҙ мәктәп-интернаты директоры, Мәләүездә район мәғарифы етәксеһе һәм республикабыҙҙың Мәғариф министрлығында иң ҙур бүлек начальнигына тиклем үрләй.
