Кеше хоҙайға төрлөсә ышана. Кемдер эстән генә доғаларын уҡып, аҙым һайын бисмиллаһын әйтеп, гонаһтан ҡурҡып йәшәй, кемдер биш намаҙын ҡалдырмай, хажға барырға тырыша, бәғзеләр һирәкләп мәсеткә кереп хәйер бирә, шуның менән мосолманға тейешле ғәмәлде атҡарҙым тип уйлай. Әммә һәр кем йортона доғалыҡ элергә тырыша, балаһына күҙ тейеүҙән һаҡлар әйберҙәр, муйынына алтын йә көмөш сылбырға биҙәүес ай таға.
