Белем көнө - үҙенсәлекле, ысын мәғәнәһендә тантаналы иң матур балалыҡ байрамы. Көҙҙөң һәм көҙ менән бергә Яңы уҡыу йылының башланыуын белдереп, еҙ ҡыңғырау шылтырый. Мәктәп тупһаһын әле яңы ғына атлап ингән сабый балаға ла, инде сәстәренә ҡырау ҡунған өлкән йәштәге уҡытыусыға ла ул берҙәй тәьҫир итә: күңелдәрҙе тулҡынландыра, ҡайҙалыр ашҡындыра, йөрәктәрҙә әллә ниндәй өмөттәр уята, һөйөндөрә.
