“Гринпис” ойошмаһы мәғлүмәттәре буйынса, Рәсәйҙә йәшәгән һәр бер кеше уртаса 400 килограмға яҡын сүп-сар ырғыта. Беҙҙең илдә бер йыл эсендә йыйылған көнкүреш ҡалдыҡтарынан башня төҙөһәң, уның бейеклеге күпмерәк булыр ине тип уйлайһығыҙ? Яуап шаҡ ҡатырғыс. Киңлеге бергә бер метрлыҡ башня Айға тиклем етер ине тип иҫәпләгән экологтар. Ҡалдыҡтарҙы эшкәртеү мәсьәләһе беҙҙең ил өсөн дә, башҡа дәүләттәр өсөн дә көнүҙәк мәсьәлә булып ҡала.
