"Шиғыр юлы – ҡоро аҡыл түгел. Шиғыр юлы – йөрәк арҡылы", - тип яҙған Башҡортостандың халыҡ шағиры Назар Нәжми. Йөрәктән сыҡҡан йөрәккә етә, тиҙәр халҡыбыҙҙа. Беҙҙең халҡыбыҙ шиғри һүҙгә бер ваҡытта ла битараф булмаған. “Йөрәк һүҙе” телевизион проекты шиғри һүҙҙен бәҫен аңлаусыларҙы, шиғриәт һөйөүселәрҙе берләштерә. “Ҡурай” телеканалында эфирға сыҡҡан үҙенсәлекле тапшырыу тураһында һөйләшеү өсөн "Самауыр янына" проект авторы, Башҡортостандың атҡаҙанған сәнғәт эшмәкәре Наилә Сәфәрғолованы саҡырҙыҡ.
