Белорет - республикабыҙҙағы иң ҙур район. Башҡа төбәктәрҙән ул тәбиғәте, тау, йылғалары, ҡаҙылма байлыҡтары менән айырылып тора. Күп мул һыулы йылғалар ошо тарафтарҙан баш ала: Ағиҙел, Инйәр, Йүрүҙән, Нөгөш һ.б. Көньяҡ Уралдағы иң бейек тауҙар - Ямантау, Нәре, Ирәмәл, Машаҡ, Ҡыраҡа, Рәз, Кирәл дә ошо районда.Көньяҡ-Урал Дәүләт тәбиғәт ҡурсаулығы Рәсәйҙәге иң ҙур биш ҡурсаулыҡ исемлегендә. Ямантау, Ирәмәл, Ар ташы, Ҡоткор тамағы, Ҡыҙылъяр мәмерйәһе Рәсәйҙең тәбиғәт һәйкәлдәре булып һанала.
