Блог. Инглиз теленән был һүҙҙе интернет көндәлек тип тәржемә итергә мөмкин. Бөгөн барыһы ла интернеттың әүҙем ҡулланыусылары. Төрлө темаларға яҙышҡан кешеләрҙе, үҙҙәренең махсус сайтын, йәки социаль селтәрҙәге битен матур итеп биҙәп, фоторәсемдәр, видеояҙмалар менән байытҡандарҙың ижадын күҙәтеп барыуы ҡыҙыҡ. Бөгөн ысынлап та, интернетта блог алып барыуҙы ижад менән сағыштырыраға мөмкиндер. Кемдер уны үҙенең айырым эше тип тә һанай. Блог ярҙамында аҡса эшләүселәр ҙә күп. Берәүҙәр уны күңел асыу сараһы итеп күрә.
