"Афарин! Браво! Бис!" Үҙенә оҡшаған сығышты тамашасы ғәҙәттә ошондай һүҙҙәр менән ҡеүәтләй. Йырсы йәки артистың талантына һоҡланыуын ошо рәүешле белдерә һәм уны сәхнәгә алҡышлап ҡабат-ҡабат саҡыра. 7 ноябрь кисендә Химиктар мәҙәниәт һарайы залында үтәсәк тамашала ла тап шулай булыр тип көтөлә. Һүҙ "Тенорҙар, бисҡа!" тип аталған концерт тураһында бара. Ҡунаҡтарыбыҙ менән ошо үҙенсәлекле сара тураһында һөйләшәбеҙ.
